Additional Resource

COVID-19 Audepe (Pohnpeian)

Audepe: Kapokon Koaros en Tohn Mwomwohdiso Pahn Keseula ni Lepin Ansou Wasa Koaros nan Sampah

Sounkaweid kan pahn kin koasoanehdi mwomwen en towehkan en mwomwohdiso arail pahn kin ale kamadipw sarawi pak ehu nan sounpwung ehu

Presidensi Keieu oh Pwihn en Wahnpoaron Ehk-Riemen en Mwomwohdiso en Sises Krais en Souleng en Imwin-rahn Akan kadar kisin likou kiset ni Mahs 12, 2020 ong tohn Mwomwohdiso kan nan sampah pwon.

Maing Kempoakepaht Ohl oh Lih Akan,

Nin duwen inou me wiawiher nan nait kisin likou en Mahs 11, 2020, se wie tetehkte duwen wekdeklahkan me pid soumwahu en COVID-19 nan Sampah. Se alehier kaweid en sounkaweid kan en Mwomwohdiso nan wehi kan, lapalap en koapwerment kan, semen en wini kan, oh rapahkiher kaweid sang Kauno, nan ire pwukat. Met se patohwanda iren kaweid kapw pwukat.

Sang met kohla, kapokon koaros en tohn Mwomwohdiso koaros pahn keseula ni lepin ahnsou nan Sampah pwon lao lel ehu pakairpe wiawi. Keseu wet doke:

Kapokon kan en Steik, mihting en sounkaweid kan oh kapokon laud teikan

Kaudok koaros, iangahki kaudek en kamadipw sarawi kan

Kemwekid kan en prans, ward oh steik kan

Menlau wia tuhpenehn sounkaweid kan me anahnepe mie nan inderned, ahnsou oh wasa me kak. Kalelepak kan pahn kin wiawilahng sounkaweid en prihsduhd kan. Kaweid ong ire teikan pil pahn kohda.

Pisop kan anahne ale kaweid sang presiden en arail steik kan pwehn koasoanehdi mwomwen arail pahn kihda kamadipw sarawi ohng towehkan en mwomwohdiso wet pak ehu nan sounpwung ehu.

Se kangoange towehkan ni arail kin wiewia arail doadoahk en papah en kin sawaspene. Kitail anahne kahlmengih Sounkomouro pwehn kapaiada oh pwekada mehteikan.

Se wia aht kadehdepen sapwellimen Kauno limpoak nan irair en ahnsou kasapwurupwur wet. E pahn ketin kapaiakumwailda pwe kumwail en diar popohl ni amwail kin wia uwen amwail kak koaros pwehn momourki rongamwahu en Sises Krais ni mehkoaros.

Ni Wahu,

Presidensi Keieu oh Pwihn en Wahnpoaron Ehk-Riemen

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.