Balombodi ba pabuipi nebadisangisha bua kumona mushindu wa kuenza bua se bidimba bikala bipeta biadidia bia tshijila nansha musangu umue ku ngondo
Buimanyinyi bua Kumpala ne Tshisumbu tshia Bapostolu Dikumi ne Ibidi ba Ekelezia wa Yezu Kilisto wa Bansantu ba Matuku a Ndekelu mbatuma mukanda ewu wa Ngondo Muisatu matuku 12, 2020 kudi bidimba bia Ekelezia bia mu buloba bujima.
Bana Betu Baluma ne Bakaji Banangibua,
Bu muvuabio bilaya mu mukanda wetu wa mu Ngondo Muisatu matuku 11, 2020 tutshidi anu tutungunuka dilondesha dia dishintuluka dia mikenji idi itangila COVID-19 mu buloba bujima. Tuvua bateka mu tshienzedi ngenyi ya balombodi ba Ekelezia ba pabuipi, bena mbulamatadi ne baminganga bapeluka, ne tudi bapeta buludiki bua Mukalenga pa malu aa. Tudi tufila mpindiewu maludiki menzulula adi alonda aa.
Mu kubangisha katataka, bisangilu bionso bia patoka bia bidimba bia Ekelezia bidi bikala bîmanyikibua bua mutantshi mukesa mu buloba bujima too ne palua mukenji mukuabu. Etshi tshidi tshikumbaja ne:
- Mpungilu ya dikunji, mpungilu ya bulombodi ne bisangilu bikuabu binena
- Midimu yonso ya disambila patoka, ne kukumbaja bisangilu bia biadidia bia tshijila
- Bibilu bia ditamba, tshikongu ne dikunji
Biobio mua kukumbana, suayi nuenza sangilu ya mushinga ya bulombodi kupisthila biamua. Nkonku minena idi ne mua kukonkibua kudi balombodi ba buakuidi ba pabuipi. Maludiki abungi adi atangila malu makuabu neikala mua kufidibua pashisha.
Bamuepiskopo badi ne bua kuenza sangilu ne muimanyinyi wa dikunji bua kumona mushindu wa kuenza bua se bidimba bikala bipeta biadidia bia tshijila nansha musangu umue ku ngondo.
Tudi tukankamika bidimba mu kudienzeja kua buambi buabo bua kukuba umue ne umue. Tudi ne bua kulonda tshilejelu tshia Musungidi bua kubenesha ne kujula bakuabu.
Tudi tufila bujadiki bua dinanga dia Mukalenga mu tshikondo esthi tshia didiabakena. Neanubenesha bua kupeta disanka panuikala nuenza muenu monso bua kulonda lumu luimpe lua Yezu Kilisto mu malu onso.
Ne tshishiki,
Buimanyinyi bua Kumpala ne Tshisumbu tshia Bapstolu Dikumi ne Ibidi