Prestuhnsi Se Met ac U luhn Mwet Sap Singucul Luo ke Alu luhn Jisus Kraist luhn Mwet Luhlahlfongi ke Lwen Sahflah elos tuh suhpwaclihk lwacta se ke Mahs 12, 2020, nuh sin mempucr luhn Alu uh fin facluh nohfohn.
Pain kowos Tamuhlwel ac Tahmtahel,
Oacna ke uliyuck ke lwacta se lasr ke Mahs 11, 2020, kuht tahfwelah in tuni ohiyacn ekyek ke COVID-19 fin facluh nohfohn. Kuht nuhnkuh ke kahs in kahsruh luhn mwet kol luhn Alu uh, mwet sruok ohfuhs luhn government ac mwet pihsrlac ke ono an, ac suk kolyuck luhn Leum ke ma inge. Ingena kuht ac usot mwe kolyuck sasuc inge.
Muhtwacwacack na ingena, toeni nuhkwewa luhn mempucr ke Alu uh in tulokihnyucki ke kihtin pacl fin facluh nohfohn ne ke na kuht sifilpac ahkkahlwemye lah mac. Ma se inge weacng:
Toeni luhn stek, toeni luhn mwet kol an ac kuhtuh pac toeni luhlahp sahyac an
Alu in Sacnri, weacng toeni ke kuhfa luhn Leum
Mukwikwi luhn pracns, ward ac stek
Fin kuh, nuhnakmuhnahs oruh kuhtwena miting ma yohk srihpac an ke orekmakihnyacn technology. Nuh ke kihsensiyuck an kuh in lohlngohk sin mwet kol luhn pristut fin acn suwos an. Kuhtuh pac mwe kolyuck ke kuhtuh pac ma sahyac an ac fah fwack.
Pisap an enenuh in sramsram nuh sin prestuhn luhn stek lalos an in otwelah lah kuhfa luhn Leum ac orek fuhkah in ituckyang nuh sin mempucr an ke pacl se ke mahlem se.
Kuht kwacfe mempucr an in kampare ke kunohkohn in forfor luti an in karihngihn sie sin sie. Kuht enenuh in fahsr tukun mwe srihkasrak luhn Mwet Lahngo in ahkinsewowoye ac tahpuhk mwet sahyac.
Kuht fahkwack luhlahlfongi ke loh lasr ke luhngse luhn Leum ke pacl upac se inge. El ac ahkinsewowoye kowos in sokwack engan ke kowos oruh kuhiyowos in moulkihn wosasuc luhn Jisus Kraist ke ma nuhkwewa ma ac sikyak.
Pwacyena,
Prestuhnsi Se Met ac U luhn Mwet Sap Singucul Luo