Souemwen non neniemi repwe ourour fengen ar repwe finata ifa usun ewe sakrament epwe kawor ngeni chon mwichefen fan ew non ew maram.
Ewe Aewin Presetensi me Mwichen ekkewe Engon me Ruemon Aposel ren Ewe Mwichefenin Jises Kraist ren Aramas mi Pin non Fansoun Soponon ra tinano ewe toropwe non March 12, 2020, ngeni chon Mwichefen non unusen fonufan.
Pwiim me Fefinem achengicheng,
Usun am mi pwonei non noum toropwe non March 11, 2020, aua sopweno ne attonaochu ekkewe ekkesiwinin napanap ren COVID-19 non unusen ewe fonufan. Aua fen ekiek won ekkewe ourour an souemwenin Mwichefen non neniach, chon nemeni government me chon mi sinenap non safei, me aua fen kutta an ewe Samon emwen non ekkei mettoch. Iei aua awora ekkei minafon emwen.
Poputa ikenai, meinisin achufengenin mwicheichen chon Mwichefen non unusen fonufan repwe ekis kouno tori inet epwap affat. Ei mi pachenong:
- Mwichen Steik, mwichen souemwen me pwan ekkoch achufengen mi watte
- Meinisin mwichen fan, mi pachenong mwichen sakrament
- Pranch, wart, me urumotun steik
Ika epwe tufich, ouse mochen fori mwichen souemwen mi auchea won kampiuter ika fon.
Tichikin kapaseis repwe no ngeni Souemwenin pristut non neniemi. Soposoponon emwen mi wewe ngeni pwan ekkoch mettoch repwe pwan kawor.
Pisop repwe ourour fengen me nour presetenin steik ar repwe finata ifa usun ewe sakrament epwe kawor ngeni chon mwichefen fan ew non ew maram.
Aua pesei chon mwichefen non ar angangen iamwir ar repwe tumun fengen. Sipwe tapweno mwirin an ewe Chon Amanau neenien appirun ne efeiochu me angasata ekkoch.
Ennetin,
Ewe Aewin Presetensi me Mwichen ekkewe Engon me Ruemon Aposel