Pi tiyugang ko am e ra puruy niged ko rogon ni ngan pii’ fare sacrament ngak’ pi chongin e galasia ta’reb e yay ko pul
Bin Som’on e Presidency nge Ulung ko fare Ragag nge L’agruw i Apostles ko fare Galasia rok Yesus Kristus ni fan ko Gidii’en Got Rok’ ko Tin Tomur e Rran e kar pii’ed re babyor nga mo’on ko March 12, 2020, ngak pi chongin e Galasia u bang ko fayleng.
Pi walageg ni Pumo’on nge Ppin,
Nrogon ni mich’eg ko babyor romad u March 11, 2020, gamad be ul’ul’uy ngu sap gad ngak pi’in nibe thil’thil’ riy’ ko COVID-19 u gubin yang ko fayleng. Kad mo’olng gad ko pi tiyugang’ ko Galsaia u bang, tiyugang’ ko pi am nge hospital, ngu gay e gonop rok Somoel ko ren’ey. Chiney be pii’ e fonow nibe yib nga mo’on.
Nga fini tabab e chiney, ni urngin e mo’olung nibe un e gidii’ riy ngay ko fare Galasia e ra tal’eg nib ngoch ngiyal mada’ ko ngiyal’ nibe yog mad riy’. Nibe un ngay:
- Pi conference ko stake, tapowi’iy nge yu yang mo’olung nib ga’ riy
- Gubin e mo’olung ko liyor, nibe un ngay pi sacrament meeting
- Gos’gos ko pi branch, ward nge stake
Fa’an rayog, ma wenig mu ngongoliy pi mo’olung ko tapowi’iy ko technology. Pi duwer ma rayog ngak pi tapowi’iy ko priesthood. Ma yib yug boech e fonow ko pin’ey nga m’on.
Pi bishof e thingari puruy nag ko pi stake president rorad ngar tunom niged nrogon e yib fare sacrament ngak pi chongin e galasia ta’reb e yay ko pul.
Gamad be oge magaer ngak pi chongin e galasia nibe minister bagyad ngak bagyad. Ngariy fol ko rungin en Tathapegdad ni ngad tawath nag min chibiy ngalang bigiyad ngak bigiyad.
Gamad be yoeg e mich romad ko t’ufeg rok Somoel ko re chingyal’ ney nib mudugil. Ra tawath nigem ni ngam piri’eg falfalan’ napan mu gay rogom ni ngam folk o gospel rok Yesus Kristus dem turug e gin’ey.
Mrib t’uf riy,
Bin Som’on e Presidency nge Mo’olung ko fare Ragag nge L’agruw i Apostles